Verniet, maar duur!

Ons kan niks by God verdien nie. Ons het niks om vir Hom aan te bied in ruil daarvoor dat Hy vir ons moet goed wees nie. Die Here bewys genade verniet aan ons. God deel sy goedheid en vergifnis gratis met elke genadebedelaar wat in Jesus se Naam aan sy hemelse deur klop, maar hierdie genade het Jesus sy lewe gekos. Genade is verniet, maar dit is definitief nie goedkoop nie. God mors daarom nie met sy duur genade, soos wat onsself dikwels daarmee maak nie. Genade is nie ’n vinnige “get out of jail free” kaartjie wat impliseer ons kan maar leef soos wat ons wil nie. Genade is ook nie ’n lisensie om sonde te doen nie. As ons so oor genade dink, verstaan ons nog nie dat genade vir Christus letterlik alles gekos het nie. Genade is om God op sy allerbeste te beleef. Om dit te begryp, is om lewenslank diep dankbaar te leef. Dit is om oorweldig te wees deur sy hemelse goedheid. Dan wil ons lewenslank vir die Here dankie sê met al my woorde en dade nie. Ek as begenadigde se lewe moet ook ’n sigbare bewys wees van God se nimmereindigende goedheid.

#goeienuus #stephanjoubert