God is altyd tuis

“God is altyd tuis. Dis ons wat weggeloop het.” So skryf Meister Eckhart (1260-1328 nC). Tragies genoeg, blameer weglopers dikwels vir God. Dit is sy skuld dat hulle lewens nie uitwerk soos dit moet nie. Dis sy skuld dat Hy hulle nie deur hulle finansiële krisis gehelp het nie. Of dat Hy nie hulle gebede verhoor het presies soos wat hulle gespesifiseer het nie. Of omdat daar soveel onreg in die wêreld is. Maar hulle sê hierdie dinge met hulle rug gedraai na God se kant. Nogtans is Hy steeds tuis as die liefdevolle en ontfermende God. Hy het nie getrek nie. God het nie verander van adres net omdat mense wat vir Hom kwaad is besluit het dit is die geval nie. God is wie Hy is. Hy is propvol genade. Maar dan moet mense Hom in die oë kyk. Hy hou in elk geval eindeloos meer van mense se gesig as hulle rug.

#goeienuus #stephanjoubert