My manifesto vir 2015

deur Stephan Joubert

2015 se se eerste porsie goeie nuus skop af met ’n manifesto. Wikipedia omskryf ’n manifesto as “a published verbal declaration of the intentions, motives, or views of the issuer, be it an individual, group, political party or government.”

My manifesto vir 2015:

• Om Christus met alles in my na te volg

• Om goed te doen in Jesus se Naam sonder om ooit iets terug te verwag

• Om ander geestelik ryk te maak, al voel ekself soms baie arm

• Om vrygewig te leef

• Om ’n voltydse leerder te wees wat elke dag lees, luister en oplet

• Om te doen wat ek moet, sonder om alles vir almal te probeer wees

• Om vrede te maak met die feit dat ek sommige mense sal teleurstel, en nie sal opleef aan almal se verwagtings nie

• Om mense altyd met respek en deernis te behandel

• Om te sorg dat die woorde “askies” en “mooi so” ’n deel van my normale woordeskat uitmaak

• Om vergeetagtig te wees wat my eie behoeftes en belange betref

#stephanjoubert #goeienuus