Ekerk projekte terugvoer: Desember 2014
deur Magriet Smit
Vir meeste van die kinders by Nuwe Hoop Sentrum sal daar nie ‘n Kersdag wees op die 25ste Desember. Vir diegene wat wel huise het waarheen hulle kan gaan, kan hul ouers nie iets soos ‘n geskenk bekostig nie.
Ekerk projekte het gehelp dat gister Kersdag was vir die kosbare kinders. Daar was geskenke uitgedeel deur ‘n Kersvader, daar was ‘n slang en reptiele-vertoning (wat hulle monde laat oophang het en skater het van die lag) asook ‘n opgemaakte saal met heerlike verversings.
Aan almal wat bygedra het om die dag onvergeetlik te maak vir hulle…BAIE DANKIE.
Spesiale dank aan: Ekerk projekte, Landy Steenkamp en die span in Worcester, Riaan de Villiers en Groote Kerk vir die reel van die slang en reptiele vertoning, asook die skenking van boeke deur die Cape Town Angels via Groote Kerk.
Mag Kerstyd ‘n tyd van gee wees, en ‘n geleentheid om Jesus se lig te skyn…veral na diegene wat voel hulle word vergeet.
