Wat is die maklikste

deur Stephan Joubert

Jeff Bezos, grootbaas van Amazon en die Washington Post vertel ’n rukkie gelede by Princeton Universiteit se besigheidskool dat sy oupa hom een van die grootste lesse van sy lewe geleer het. As jong seun het hy wat Jeff is op ’n dag vir sy ouma in ’n motor padlangs die waarheid vertel. Dit was nadat hy nie langer haar kettingrokery kon uitstaan nie. Hy het vir haar uitgewys dat dit haar lewe met nege jaar verkort het. Sy was baie ontsteld. Toe hou sy oupa ’n rukkie later stil en sê Jeff moet langs die kar kom staan. Na ’n lang ruk merk hy op: “One day you’ll understand that it’s harder to be kind than clever.” Net dit. Dit het Jeff se lewe verander. Toe ek hierdie storie gelees het, onthou ek die woorde van 1 Petrus 2:17 wat sê dat ons as gelowiges alle mense moet respekteer. Nee, Petrus sê nie ons moet probeer om alle mense te verander nie; hy sê eer alle mense. Behandel mense so mooi in die Heer se Naam sodat hulle veilig by jou voel. Kyk op na ander rondom jou. Dit is die Here se pad!

#stephanjoubert #kernkrag