Hoeveel kos 'n ekerk webinaar?

As jy in die verlede al ingeskakel het op 'n ekerk webinaar, of jy oorweeg dit dalk in die toekoms, is hierdie nuusbrokkie vir jou.

Die goeie nuus is dat vir die volgende webinaar seisoen, geen webinaar jou 'n enkele sent kos nie - dis gratis en verniet! Ekerk staan vir eers graag in vir al die kostes verbonde daaraan om hoë kwaliteit inhoud oor die lug, tot by jou rekenaar, te versend. Daar is egter, soos reeds genoem, noemenswaardige uitgawes wanneer dit by die aanbied van 'n standhoudende webinaar diens kom.

Gevolglik sal ons dan, nadat ons aanvanklike gratis toetsperiode verby is, 'n billike prys per webinaar registrasie vasstel. Hierdie kostes sal dan aangewend word om al die uitgawes te delg wat ons help om die webinaar diens aan te bied.

By ekerk het ons net weer besef dat dit nie aldag moontlik is vir almal om by elke liewe opleidingsgeleentheid uit te kom nie, wat beide tyd en kostes aanbetref. Daarom wil ons ons webinaar geleenthede so toeganklik as moontlik aanbied. Geniet gerus hierdie eerste paar gratis webinaar aanbiedings - dis ons hoop dat jy selfs daarna deel sal vorm van 'n dinamiese aanlyn gemeenskap, wat op gereelde geleenthede saam kan leer.

Loer hier vir die nuutste skedule en registrasie besonderhede van beide Learning Community en Bybelskool webinare.

Kontak pierre@ekerk.org gerus vir enige vrae of voorstelle.